BAKU AZƏRBAYCAN
8°C
euro 1.8427
dollar 1.7000
rubl 0.0220
lirə 0.2563

Zaur Darabzadə seçkilərdə əsas prioritetlərini açıqladı - MÜSAHİBƏ

Zaur Darabzadə seçkilərdə əsas prioritetlərini açıqladı - MÜSAHİBƏ
Seçki2020
17:33 23.01.2020
4177
MÜSAHİBƏ" />

23 saylı Nəsimi-Səbail seçki dairəsindən deputatlığa namizəd Zaur Darabzadənin Oxu.Az-a müsahibəsi:

- Gəlin, söhbətimizi ən məntiqli sualdan başlayaq. Hazırkı növbədənkənar parlament seçkilərində iştirak etməyinizə nə səbəb oldu?

- Gələcək nəsillərə güclü, iqtisadi cəhətdən inkişaf etmiş, sabit dövlət ötürməyimizə imkan verən islahatlarda iştirak etmək arzusu. Bunun üçün yeni, indiki dövrün ruhuna və tələbinə cavab verən qanunlar gərəkdir.

 

Parlamentin əsas funksiyası isə qanunlar qəbul edilməsi ilə bağlıdır. Məhz buna görə Milli Məclisə cari seçkilərdə bu qədər çox sayda gənc namizədliyini irəli sürüb. Bundan əlavə, məlum olduğu kimi, Azərbaycan əhalisinin 60 faizini gənclər təşkil edir.

Hesab edirəm ki, Milli Məclisdə elə təxminən eyni nisbətdə gənclər olmalıdır.

- Seçkilərdə əsas rəqibiniz kimdir?

- Onların hər birinə böyük hörmətlə yanaşıram. Bəli, müsbət dəyişikliklərə necə tez nail olmaq barədə fikirlərdə müxtəliflik var. Seçkilərin də mahiyyəti budur ki, deputatlığa namizədlərin seçki platformaları ilə tanış olan seçici konsepsiyası ona ən yaxın, ən başa düşülən, ən etibarlı görünənə səs vermək imkanına malikdir. Qoy ən güclü qalib gəlsin!

- Namizəd olduğunuz dairə seçicilərinin əsas problemləri nələrdir?

- Deputatlığa namizədliyimin qeydə alınması üçün zəruri olan imzaları şəxsən toplayan bir şəxs kimi qeyd edim ki, bu dairədə seçicilərin ümumi sayı təqribən 35 min nəfərdir. Ümumi götürsək, onlar da bütün Azərbaycan vətəndaşları kimi eyni ümid, problem, sevinclərlə yaşayırlar. Eyni zamanda, əlbəttə ki, hansı yaş kateqoriyasına aid olmalarına görə, seçicilərin problemlərində və gözləntilərində fərq var.

Məsələn, bu seçki dairəsi üzrə seçicilərin əksəriyyəti 25-44 yaş arasındakı insanlardır. Bunlar artıq müəyyən həyat prioritetlərini formalaşdıranlar və ya formalaşdırmaqda olanlardır. Onları, əlbəttə ki, daha çox sabit, yaxşı maaşlı işə sahib olmaq məsələsi maraqlandırır.

65 yaşdan yuxarı vətəndaşlar seçicilərin ikinci ən böyük qrupunu təşkil edir. Onlar daha çox pensiya problemləri ilə maraqlanırlar. Üstəlik, onları bu rayonda əlillərin problemlərinin az nəzərə alınması narahat edir. Təbii ki, bu kateqoriyalı vətəndaşların həyatını daha rahat etməyə borcluyuq. Bütün bu məsələlər qanunvericilik kontekstində yeni yanaşma tələb edir.

Mənim üçün prioritet bütün seçicilərlə yanaşı, gənclərin də səsini qazanmaqdır. Gəncləri özünü reallaşdırma, karyera yüksəlişi, "sosial lift”in işi maraqlandırır. Gördüyümüz kimi, vətəndaşları maraqlandıran, narahat edən bütün məsələlərin həlli müvafiq qanunların qəbul edilməsini tələb edir.

Məhz buna görə də ümid edirəm ki, dairəmdə yaşayan sakinlər yeni təşəbbüslərin lehinə səs verəcəklər və məni bütün Azərbaycan vətəndaşlarının həyatını asanlaşdıran qanunların hazırlanmasında və qəbul edilməsində iştirak etmək üçün Milli Məclisin deputatı seçəcəklər.

- Eyni zamanda, bildiyimə görə, sizin üçün 10 prioritet mövzu var. Bu, belədir?

- Bəli, doğrudur. Bu mövzuları sadalayıram: gənc sahibkarlar üçün vergilərin azaldılması, gənc sahibkarlar üçün bank kreditlərinin alınmasının sadələşdirilməsi və faiz dərəcələrinin aşağı salınması, gənc ailələr üçün ipoteka kreditlərinin alınması prosesinin sadələşdirilməsi və güzəştlər verilməsi, gənclər üçün şəhərciklərin tikilməsi və onlarda güzəştli qiymətlərlə mənzillər satılması, xaricdə təhsil alan gənclərin işlə təmin olunması, startap layihələrin dəstəklənməsi və onların həyata keçirilməsi üçün güzəştlər təmin edilməsi, gömrük prosedurlarının sadələşdirilməsi və ixracatçılar üçün dövlət rüsumlarının tamamilə ləğv edilməsi.

Bundan əlavə, orta məktəblərdə informasiya texnologiyalarından daha fəal istifadənin, gənclər üçün sağlam həyat tərzi mövzusunda maarifləndirici tədbirlərin keçirilməsinin tərəfdarıyam. Həmçinin, gənclərin mənəvi tərbiyəsində də müəyyən problemlər var ki, bunlarla işləmək vacibdir.

- Həqiqətən, çox vacib problemlərə toxunur, aktual məsələləri qaldırırsınız. Ümid edirəm ki, Milli Məclisin deputatı olmağa müvəffəq olarsınız və artıq deputat statusunda bütün sadaladığınız məsələlərin həllinə doğru addımlayarsınız. Yeri gəlmişkən, yeni çağırış parlamentdə belə gənc, yeni simaların olmasının Azərbaycandakı bədnam "sosial lift”in işinin sübutu olacağı fikri ilə razısınızmı?

- Azərbaycanda "sosial lift”in nə dərəcədə yaxşı işlədiyini son illərdə ölkədə dövlət qurumları, nazirliklər, dövlət komitələri və dövlət agentliklərinə rəhbərlik etmiş gənclərin sayına görə qiymətləndirmək olar. Əsas odur ki, proses dayanmasın.

Mövcud bəzi bürokratik əngəlləri aradan qaldıraraq ölkənin qabaqcıl universitetlərinin ən yaxşı məzunlarını, xüsusən də universitetləri fərqlənmə diplomu ilə bitirən, təhsil alarkən beynəlxalq qrant və diplomlara layiq görülən insanların iş tapmasına yardım göstərmək vacibdir. Bu məsələdə Prezident İlham Əliyevin təşəbbüsü ilə təsis edilən "Yüksəliş” proqramı mühüm rol oynayacaq və bunu qeyd etmək olmaz. Bu, hazırda Azərbaycanda güclənən "sosial lift”in çox vacib hissəsidir.

Həmişə yalnız öz əməksevərliyimə və biliyimə güvəndiyimdən gənclərimizin hər birini gözəl başa düşürəm. Onların işə, vətənlərində tələbat zəmanətlərinə ehtiyacı var. Axı zəmanətli iş olmadan, karyera qurma perspektivləri olmadan Azərbaycan gəncləri ailə qurmaq, uşaq sahibi olmaq istəməyəcək. Bu isə artıq demoqrafik problemə səbəb ola bilər.

Dövlət yalnız istedadlı gənclərə yox, həm də hər hansı bir iş axtaranlara diqqət ayırmalıdır.

Əminəm ki, müasir peşə təhsili şəbəkəsinin inkişafını irəlilətmək lazımdır. Özü də Milli Məclis artıq müvafiq qanunu qəbul edib. İndi bu qanunun gündəlik həyatda tətbiqinə nail olmaq, peşə təhsili müəssisələrinin məzunlarının işlə təmin olunması məsələsini həll etmək lazımdır.

O cümlədən, gənclərin peşə əldə etməsinə və yekun nəticədə cəmiyyətə əmək inteqrasiyasına yardım etmək məqsədi daşıyan QHT-lərə və layihələrə dövlət qrantları ayırmaq vacibdir.

Gördüyünüz kimi, gənclərimizin problemlərinin həlli üçün geniş fəaliyyət sahəsi var. Buna görə yeni çağırış Milli Məclisdə onun nümayəndələrinin sayının mümkün qədər çox olacağına ümid edirəm. Bu, çalışqanlığından, istedadından, vətənpərvərliyindən Azərbaycan naminə istifadə etməyi xəyal edən minlərlə uşaq üçün bir növ yolgöstərici ulduz olacaq.

Namizəd haqqında daha ətraflı məlumat üçün - www.darabzadeh.az

OXŞAR XƏBƏRLƏR