Yaponiyada keçirilən V Asiya Para Oyunlarında Özbəkistanın milli paralimpiya komandası tarixi nəticəyə imza atıb.
AZXEBER.COM xəbər verir ki, özbəkistanlı idmançılar bir çox güclü rəqiblərini geridə qoyaraq ümumi medal sıralamasında Asiyanın 3-cü pilləsinə yüksəliblər. Gərgin idman mübarizəsi şəraitində milli komandanın üzvləri bir sıra rekordlara da imza atıblar.
Xatırladaq ki, dörd il əvvəl, Hançjouda keçirilən Oyunlarda Özbəkistan komandası 79 medal qazanaraq 8-ci yeri tutmuşdu. Həmin medalların 25-i qızıl, 24-ü gümüş, 30-u isə bürünc olmuşdu.
Dünya və Asiya rekordları bir-birini əvəz edib
Özbəkistan idmançılarının yüksək nəticələri rekordlar cədvəlində də öz əksini tapıb. Çempionat ərzində milli komanda:
• 1 dünya çempionatı rekordu;
• 7 Asiya Para Oyunları rekordu;
• 5 Asiya qitə rekordu müəyyənləşdirib.
Bu nailiyyətlər ölkənin paralimpiya idmanı tarixində yeni səhifə açıb.
Dövlət dəstəyi tarixi uğurun əsasını təşkil edir
Dörd il ərzində 8-ci pillədən 3-cü yerə yüksələn milli komandanın sürətli inkişafının arxasında Özbəkistanda həyata keçirilən inklüziv dövlət proqramları dayanır. Bu proqramlar əlilliyi olan şəxslərin ictimai həyata cəlb edilməsinə və onların idman potensialının inkişafına yönəlib.
Zəruri idman infrastrukturunun yaradılması, təlim-məşq toplanışlarının təşkili və gənc istedadların beynəlxalq yarışlarda iştirakına şərait yaradılması yeni nəsil özbək paralimpiyaçılarının formalaşmasına mühüm töhfə verib.
İdmançılar öz nəticələri ilə bir daha sübut ediblər ki, Özbəkistan yalnız ənənəvi idman növlərində deyil, paralimpiya idmanında da beynəlxalq arenada mövqeyini gücləndirmək iqtidarındadır.
