Bakı Dövlət Universitetinin Jurnalistika fakültəsinin müəllimi, tanınmış media eksperti Zeynal Məmmədli universitetdəki müəllimlik fəaliyyətini dayandırıb.
Məsələ ilə bağlı AZXEBER.COM-a açıqlama verən Zeynal Məmmədli BDU-dakı fəaliyyətini öz xoşluğu ilə dayandırdığını söyləyib:
“Düşünürəm ki, bundan sonra praktik jurnalistika ilə daha çox məşğul olmalıyam. Artıq multimedia sahəsi inkişaf edir. Mən də özümü bu sahədə görürəm. BDU-dan getməyimə gəldikdə isə, rəhbərliklə heç bir problemim yoxdur. Bu öz qərarımdı”.
Qeyd edək ki, Zeynal Məmmədli uzun illərdi ki, BDU-nun Jurnalistika fakültəsində tədris işləri ilə məşğul olub.
