Şirkət nekroloq yayıb.
11:51
Dünən axşam Bakı-Quba yolunda baş verən avtomobil qəzasında dünyasını dəyişən nəqliyyat naziri Ziya Məmmədovun qardaşı qızı Günay Ələsgərova dəfn olunmaq üçün Ucar rayonuna aparılıb.
“Qafqazinfo”nun əldə etdiyi məlumata görə, mərhumun cənazəsi Qazıqumlaq kəndinə aparılıb. Bu saatlarda Məmmədovlar ailəsi kəndə dəfn üçün toplaşıblar.
Xatırladaq ki, qəzada həlak olan xanım nazirin Loğman adlı qardaşının qızıdır. Onun 40-a yaxın yaşı olub.
Qeyd edək ki, mərhumun atası hazırda Türkiyədədir və ağır əməliyyat keçirib.
11:44
“Garant Holding”in Müşahidə Şurasının üzvü Emil Ələsgərovun ailəsində ağır itki baş verib.
AZXEBER.COM Oxu.az- a istinadənxəbər verir ki, dünən axşam saatlarında Bakı-Quba magistral yolunda Emil Ələsgərovun həyat yoldaşının olduğu minik avtomobilinin ağır yüklü maşınla toqquşması nəticəsində xanım dünyasını dəyişib.
Avtomobili idarə edən sürücü yüngül xəsarət alıb.
“Garant Holding”in bütün heyəti Emil Ələsgərova üz vermiş ağır itki ilə əlaqədar dərin hüznlə başsağlığı verir və kədərini bölüşdüyünü bildirir.
Qeyd edək ki, dünyasını dəyişən xanım Azərbaycan Respublikasının nəqliyyat naziri Ziya Məmmədovun qardaşı qızıdır.
Allah rəhmət eləsin!
