105 minlik "Facebook" səhifəsindən Rafiq Əliyevə dəstək gəldi (FOTO)

105 minlik "Facebook" səhifəsindən Rafiq Əliyevə dəstək gəldi (FOTO)
Bütün Xəbərlər
21:38 15.11.2011
3157
"Facebook" sosial şəbəkəsində Azərbaycan dilli ən böyük səhifə olan "Azərbaycan" səhifəsindən akademik Rafiq Əliyeva dəstək gəlib. AZXEBER.COM-un məlumatına görə, 105 mindən çox üzvü olan səhifədə bu sözlər yazılıb: "Rafiq Əliyev: "Auditoriyaya girəndə tələbələrimə deyirəm ki ayağa qalxmayın, bir az qul təfəkküründən AZAD OLUN!"

Rafiq Əliyevə edilən haqsızlığa siz də etiraz edir və akademikimizə mənəvi dəstək olmaq istəyirsinizsə bu şəkli profil şəkli edək". 

Bundan başqa səhifədə akademikə dəstək statusu da yazılıb: "Akademik Rafiq Əliyev də bir dəyərdir və onun bu gün ictimai dəstəyə ehtiyacı var. Biz qədir bilən bir xalqıq və dəyərlərimizi qorumağı bilməliyik! Bu haqsızlığa etiraz edirik!"

Bu statuslara səhifə üzvləri də dəstək veriblər. 

Xatırladaq ki, akademik Rafiq Əliyev kafedra müdiri olduğu Azərbaycan Dövlət Neft Akademiyasından işdən çıxarılıb. Akademikin Ziyalılar Forumunda təmsil olunması ADNA rəhbərliyini narazı salıb. Noyabrın 4-də Ziyalılar Forumunun təşkil etdiyi və ölkədəki ictimai-siyasi durumun ciddi tənqidi ruhunda keçən tədbirə onun aparıcılıq etməsi isə narazılığı pik həddə çatdırıb. Bununla da akademikin işdən çıxarılması haqda qərar verilib.

OXŞAR XƏBƏRLƏR