Polis işləmək istəyənlərin nəzərinə!
Polisin sıravi və kiçik rəis heyəti vəzifələrində xidmət etmək arzusunda olan, yaşı 20 ilə 30 arasında, boyu 180 santimetr və yuxarı, idman cüssəli, həqiqi hərbi xidmət keçmiş, əvvəllər məhkum olunmamış, Ağsu, Ağdaş, Göyçay, İsmayıllı, Kürdəmir, Mingəçevir, Şamaxı, Ucar və Yevlax rayon sakinləri aprelin 26-də saat 10.00-da Göyçay Rayon Polis Şöbəsində Azərbaycan daxili işlər naziri tərəfindən qəbul ediləcəklər.
Bu barədə AZXEBER.COM-a DİN-in mətbuat xidmətinə istinadən məlumat verir.
Qəbula gələn şəxslər Azərbaycan Respublikası vətəndaşının şəxsiyyət vəsiqəsini təqdim etməlidirlər.
