Sabah Bakıda və Abşeron yarımadasında havanın tutqun, əsasən yağmursuz keçəcəyi gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan verilən məlumata görə, Bakıda havanın temperaturu gecə 0°-dək, gündüz +5+7° təşkil edəcək. Abşeron yarımadasının bəzi yerlərində isə havanın dumanlı, az çiskinli, gündüz dəyişkən buludlu olacağı gözlənilir. Temperatur gecə -2°dən +2°-dək, gündüz +5+8° olacaq. Saniyədə 7-12 metr sürətlə şimal-qərb, axşam saniyədə 9-14 metr sürətlə cənub-qərb küləyi əsəcək. Atmosfer təzyiqi normadan yüksək 769 millimetr civə sütunu olacaq. Nisbi rütubət 70-80 faiz təşkil edəcək.
