3 dəfə xərçəngə qalib gələn qız vəfat etdi
AZXEBER.COM Türkiyə mətbuatına istinadən xəbər verir ki, bir ayağının amputasiyasına səbəb olan xərçəngə qarşı sosial şəbəkələrdəki mübarizəsi ilə tanınan 21 yaşlı türkiyəli Neslican Tay dünyasını dəyişib.
Xəstəxanada vəfat edən Neslicanın ölümü İstanbulun bələdiyyə sədri Əkrəm İmamoğlu da daxil olmaqla, türkiyəli məşhurları kədərə boğub.
Gənc qızın fotolarını paylaşan tanınmışlar onun ailəsinə başsağlığı veriblər.
Qeyd edək ki, 1998-ci ildə Bursada anadan olan Neslican 2018-ci ildə xərçəngə tutulub. Ayağının birini itirən Nelsican özünə "Dəmir qadın” ləqəbi seçmişdi. O, "Ayağım yoxdur, ancaq yaşamaq eşqim var”, "mən bir ayaqdan ibarət deyiləm, daha çoxam” sözləri ilə məşhur idi.
