ABŞ Milli Təhlükəsizlik Şurasının Ukrayna üzrə direktoru Uinfild Svontonun rəhbərlik etdiyi nümayəndə heyəti Kiyevə səfər edib.
Bu barədə Ukrayna Müdafiə Nazirliyi məlumat yayıb.
"Almaniyada keçiriləcək Ukraynaya yardım məsələləri üzrə əlaqə qrupunun iclasından əvvəl ABŞ Milli Təhlükəsizlik Şurasının Ukrayna üzrə direktoru Uinfild Svontonun rəhbərliyi ilə nümayəndə heyəti Kiyevə gəlib. Görüşün əsas mövzularından biri 2024-cü il ərzində ABŞ-nin Ukraynaya yardımının nəticələrinin və 2025-ci ildə müdafiə nazirliklərinin komandalarının qarşılıqlı fəaliyyətinin planlaşdırılmasının müzakirəsi olub", - məlumatda qeyd edilib.
Eyni zamanda ABŞ-nin Ukraynada pilotsuz uçuş aparatlarının istehsalına investisiyaları, hərbi-sənaye kompleksi sahəsində digər birgə layihələrin inkişafı məsələləri müzakirə edilib.
