"TV8" kanalı və "Exxen" platformasının sahibi, türkiyəli iş insanı Acun Ilıcalının ilk evliliyindən olan qızı Leyla Amerikada təhsil aldığı universitetdən məzun olub.
AZXEBER.COM xəbər verir ki, bu barədə Acun sosial media hesabında məlumat verib.
Leylanın anası Zeynəb Ilıcalının da qatıldığı məzun günündən fotolar yayımlayan Acun hisslərini belə dilə gətirib:
"Əziz qızım, elə bil dünən səni qucağıma almışdım, bu gün isə universiteti bitirməyini qeyd etdik. Təhsilin boyunca, məndən fərqli olaraq, sən atanı hər zaman möhtəşəm uğurlarınla qürurlandırdın. Dünyanın o biri başında olsaq belə, bu xoşbəxt gündə səninlə birlikdə olmaq inanılmaz dərəcədə gözəl idi. Ümid edirəm ki, balaca bacılarına da eyni sevinc qismət olar!"
