Son on ildə adambaşına düşən sığorta haqqı 7 dəfə artıb.
Yaxın bir neçə ilə adambaşına düşən sığorta haqqı 100 manata çata bilər.AZXEBER.COM-un verdiyi xəbərə görə, bunu Azərbaycan Sığortaçılar Assosiasiyasının sədriOrxan Bayramov“Azərbaycan Sığorta bazarının inkişaf dinamikası-2003-2013” adlı konfransda çıxışında deyib.O bildirib ki, bunu son on ildə olan inkişaf dinamikası deməyə imkan verir.“Belə ki, bu müddət ərzində Azərbaycanda adambaşına düşən sığorta haqqı 7 dəfə artıb. 2002-ci ildə adambaşına düşən sığorta haqqı təxminən 5 manat olduğu halda, 2012-ci ildə bu ədəd 37 manat təşkil edib. (İllik artım orta hesabla 22 faiz olub)”O bildirib ki, 2002-2012-ci illərdə Azərbaycan sığorta bazarının həcmi 8, 2 dəfə artaraq 41, 87 mln. manatdan 341, 65 mln. manata qalxıb.“Bu dövrdə bağlanan sığorta müqavilələrinin sayı isə 4 dəfə artaraq 468 579-dan 1 863 353-ə çatıb. Son on il ərzində sığorta haqlarının illik artımı orta hesabla 23 % təşkil edib”.Bundan başqa o bildirib ki, sığorta xidmətlərinin sayının, çeşidinin artırılması nəticəsində son on il üzrə sığorta ödənişləri təxminən 14 dəfə, o cümlədən könüllü sığorta üzrə 15 dəfə, icbari sığorta üzrə isə 11dəfə artıb.Nəticədə sığorta ödənişlərinin həcmi 2002-ci ildəki 6, 73 mln. manatdan 2012-ci ildə 94, 97 mln. manata qalxıb.“Bu da sığorta ödənişlərinin illik orta hesabla 30 % artımı deməkdir”.Sığortaçılarda maliyyə sabitliyinin artırılması istiqamətində görülmüş işlərin nəticəsi olaraq son on il ərzində sığortaçıların kapitalının müntəzəm olaraq ciddi artımı olub.Belə ki, bu müddətdə sığortaçıların kapitalının cəmi məbləği təxminən 20 dəfə artaraq 343, 44 mln. manata qalxıb ki, bu da cəmi kapitalın illik orta hesabla 35 % artımı deməkdir.
