Ağdamda avtomobil sexində partlayış olub, bir nəfər ağır bədən xəsarəti alıb.AZXEBER.COM-un məlumatına görə, Ağdamın Quzanlı qəsəbəsində maşın təmiri sexində partlayış baş verib.Sexdə çalışan 23 yaşlı Samir Qurbanov soyuq havada isinmək məqsədi ilə ocaq qalayıb.
Ehtiyatsızlıq ucundan od yaxınlıqdakı yağla dolu çənlərin birinə düşüb. Nəticədə güclü partlayış baş verib.Hadisə şahidi Asif Baxşəliyevin sözlərinə görə, partlayış zamanı Samir Qurbanov müxtəlif dərəcəli bədən-yanıq xəsarətləri alaraq Ağdam Mərkəzi Xəstəxanasına yerləşdirilib. Reanimasiya şöbəsində olan yaralının əziyyəti orta ağırdır.Hadisə yerinə yanğınsöndürənlər cəlb olunub. Yaxınlıqdakı sex yanğından mühafizə olunub. Alov çətinliklə olsa da söndürülüb. Hadisə ilə əlaqədar müvafiq qurumlar tərəfindən araşdırma aparılır.
