Ağdaş rayonunda yol-nəqliyyat hadisəsi baş verib.
Oxu.Az-ın məlumatına görə, hadisə Bakı-Qazax-Gürcüstan magistral yolunun 262-ci kilometrliyinin Ləki qəsəbəsindən keçən hissəsində qeydə alınıb.
"Mercedes-Benz” markalı minik avtomobili ilə yük maşını toqquşub.
Baş verən hadisə zamanı "Mercedes-Benz”in sürücüsü və digər bir şəxs ölüb.
Qəza zamanı bir nəfər yaralanıb.
Faktla bağlı araşdırma aparılır.
