Dekabrın 29-dan 30-na keçən gecə Bakıda daha bir dəm qazından boğulma hadisəsi qeydə alınıb.
Bakı şəhər Baş Polis İdarəsindən Lent.az-a bildirilib ki, Ələt qəsəbə sakini, 1992-ci il təvəllüdlü Ağakişiyeva Ülviyyə Ramazan qızı yaşadığı mənzildə dəm qazından boğulub. 20 yaşlı qızın meyiti ekspertizaya göndərilib.
Məlumata görə, dəm qazından boğulan qız Azərbaycan Pedaqoji Universitetinin 3-cü kurs tələbəsi olub. Faktla əlaqədar araşdırma aparılır.
