AGAT Almaniya, Ruminiya və Türkiyədə ölkəmizi təmsil edir
GƏNCLİK
12:39 01.09.2012
1676
01-22 Sentyabr, 2012-ci il tarixində Azərbaycan Gənclərinin Avropaya İnteqrasiyası Təşkilatı (AGAT) Avropa Birliyinin Gənclər Fəaliyyətdə proqramı çərçivəsində İngiltərə, Almanya, Moldova, Ruminya, Türkiyə, İspaniya və olmaqla Azərbaycan “Avropalıyıqmı?!-Kimlik,İnteqrasiya,Müstəsnalıq” adlı beynəlxalq tədbirə ev sahibliyi etmək üçün layihəyə qatılmışdır. AZXEBER.COM-un məlumatına görə, proqram çərçivəsində AGAT Almaniya, Ruminiya və Türkiyədə ölkəmizi təmsil edir. Eyni zamanda 6 ölkədən 45 nəfər nümayəndəni 16-22 sentyabr tarixində Azərbaycanda qarşılayacaq, ev sahibliyi edəcəkdir. AGAT-ın bu layihəyə cəlb olunması ölkəmizin 1 milyon qaçqınının problem və yaranma səbəbələrini avropalı gənclərə çatdırmaqdır. Ümumilikdə, 21 gün ərzində 4 ölkədə seçilmiş spesifik mövzu barədə diskusiyyalar təşkil etməklə bərabər, müxtəlif media fəaliyyətlər (video sərgi, çarx, bloq və jurnal) layihə iştirakçıları arasında keçiriləcəkdir.Qeyd edək ki, hal-hazırda layihənin Almaniya hissəsinin icrası başlanılmışdır. 7 sentyabra qədər olan müddətdə Almaniya hökumət nümayəndələri, tanınmış Almaniya universitetlərinin müəllimləri və Avropa parlamentinin deputatları ilə görüşlərin keçirilməsi planlaşdırılır. Həmin görüşlərdə Avropa Birliyinin Şərq tərəfdaşlığı proqramı, Avropa dəyərləri, evro-skeptizim, nasionalizm və Avropa kimliyi barədə müzakirələr aparılacaqdır.Azərbaycan qrupunun rəhbəri AGAT sədri Gülsel Səfərovadır. Eyni zamanda G.Səfərova layihə çərçivəsində olan bir neçə media fəaliyyətlərə rəhbərlik edəcəkdir. Azərbaycan tərəfindən olan qrupda AGAT-ın sədr müavini Nərgiz Eyvazova, Aysel Lazimbəyli, Şamil Talıbov və Aysel Hüseynovadır. Vurğulanmalıdır ki, beynəlxalq layihə Azərbaycan Gənclər Fondu və Avropa Birliyinin Gənclər Fəaliyyətdə proqramının maliyyə dəstəyi ilə həyata keçirilir.
