Alla Puqaçova və Maksim Qalkinin valideynlik hüququndan məhrum edilməsi tələb olunur.
AZXEBER.COM Rusiya mətbuatına istinadə xəbər verir ki, fəallar bu tələblə Uşaq Hüquqları Ombudsmanına müraciət ediblər.
Onlar 75 yaşlı Alla Puqaçova və 48 yaşlı Maksim Qalkinin tez-tez səyahət etmələrinə görə uşaqların "normal həyatdan” məhrum edilməsindən narahat olduqlarını bildiriblər.
Hərəkatın rəhbəri İldar Rezyapovun sözlərinə görə, uşaqlar müxtəlif iqlimi olan ölkələrdə daim yeni həyat şəraitinə uyğunlaşmağa məcbur olurlar. Bundan başqa onların təhsili və sağlamlığı da təhlükə altındadır.
Fəalların qeyd etdiyi kimi, 10 yaşlı əkizlər Liza və Harri bu il İsrail məktəbində təhsillərini davam etdirmirlər. Onlar əvvəlcə valideynləri ilə birlikdə Kiprə gedib, daha sonra isə anaları onları Latviyaya aparıb.
Belə bir sıra gəzintilər psixoloqların fikrincə, uşaqların psixoloji vəziyyətinə mənfi təsir göstərə bilər. İctimai fəallar Uşaq Ombudsmanından xahiş ediblər ki, ailə Rusiyaya gələrsə, uşaqları valideynlərindən ayırıb rus məktəblərindən birinə yerləşdirsinlər.
Xatirladaq ki, Alla Puqaçova və Maksim Qalkin uşaqları ilə birlikdə Rusiyada xüsusi hərbi əməliyyat başlayandan dərhal sonra ölkəni tərk ediblər. Qalkin birbaşa Rusiya hakimiyyətinin hərbi siyasətini pisləyib və Alla Puqaçova da onunla həmfikir olduğunu bildirib. Xarici casus kimi tanınan ailə əvvəlcə İsraildə, sonra Kiprdə yaşasalar da, indi də tez-tez başqa ölkələrə səyahət edərək zaman keçirdirlər.
Aysel
