'Amnesty International' NATO-nu 'vurdu'

 Təşkilat bəyan edib ki, NATO ötən il Liviyada həyata keçirilən hərbi əməliyyatlar və aviazərbələr nəticəsində ölən dinc sakinlərin ölümünü lazımi şəkildə araşdırmır. Bəyanatda vurğulanır ki, ötən il Liviyada çox sayda mülki şəxs hərbi təyinatı olmayan obyektlərin NATO təyyarələrindən bombalanması nəticəsində ölüb. "Amnesty International" təşkilatı bəyan edib ki, NATO hərbi əməliyyatlar zamanı dinc sakinlərin ölümünə yol verməməyə çalışsa da, bu, həmin faktlarla bağlı araşdırmalarda NATO-nun üzərindən məsuliyyəti götürmür.NATO nümayəndələri isə Liviyada dinc sakinlərin ölümündən təəssüfləndiklərini, lakin Liviyada hər hansı araşdırma aparmaq üçün bu ölkədə fəaliyyət mandatlarının başa çatdıqlarını deyiblər.