Daha sonra məlum oldu ki, təkcə Ülkərlə qardaşı Davud deyil, elə anaları Zülfiyyə Şirinova da yanğında ölüb.
Ülkər Bakı Dövlət Universitetinin Ekologiya fakültəsinin tələbəsi olub. Qonşuları bildirib ki, ailə yanan binaya təzə köçübmüş, kirayə qalırdılar. Bundan əvvəl isə qonşu binada yaşayırmışlar.
Eyvazov Davud isə 283 nömrəli məktəbin 10-cu sinif şagirdi idi.
Bakı Dövlət Universitetinin Ekologiya fakültəsinin dekanı Nazim ŞəmilovÜlkərin faciəvi ölümü ilə bağlı Qafqazinfo-ya açıqlama verib. O bildirib ki, Ülkər çox fəal tələbə olub: " Fakültəmizin Torpaqşünaslıq ixtisası üzrə 3-cü kurs, rus sektorunda oxuyan fəal tələbələrindən biri idi. Çox intizamlı, səliqəli tələbə idi. Avropa Oyunları könüllülərindən idi. Dünən onların imtahanı var idi. Ülkər könüllü olduğu üçün imtahandan azad olunmuşdu. O, könüllülərin baş ofisinə getməli idi. Tale elə gətirib ki, ora da getməyib".
Qeyd edək ki, onların atası Hamir Eyvazov illər öncə dünyasını dəyişib.
