“Aztelekom” İstehsalat Birliyindən verilən məlumata görə, sabit telefon şəbəkəsi abonentləri “107” xidmətindən istifadə etməklə bütün mobil telefon şəbəkəsi abonentlərinə SMS-lərin göndərilməsi xidmətindən istifadə edə bilərlər. Artıq xeyli insan bu şəbəkəyə qoşulub.
Xidmətdən istifadə üçün abonent “107”-yə zəng edib SMS göndərmək arzusunu bildirir və SMS-in mətnini telefonla diktə edir. Bundan sonra abunəçi SMS-in çatacağı mobil telefonu söyləyir. Qəbul edilmiş SMS “107” xidməti tərəfindən lazımi ünvana çatdırılır. Bu tip SMS-lər istənilən mobil operatorun istifadəçisinə göndərilə bilər.
“Aztelekom”İB-dən verilən məlumata görə, bu il ərzində bu xidmətdən müxtəlif telekanallarda izlənilən şou proqramlara SMS göndərənlərin sayı da kifayət qədər artıb. Xidmətdən gələn gəlir 160 min manatdan çox olub.
