Astara rayonunda intihar hadisəsi baş verib. Hadisə şahidlərinin verdiyi məlumata görə, hadisə dünən səhər saatlarında rayonun Nəsimi kəndində qeydə alınıb.
Vahid adlı şəxs yaşadığı evdə özünü kəndirlə asaraq intihar edib. Onun meyiti səhər saat 09.00 radələrində qonşuları tərəfindən aşkarlanıb.
Məlumata görə, ruhi xəstə olan Vahidi 3-4 il bundan əvvəl həyat yoldaşı tərk edərək, iki uşağı ilə birlikdə atası evinə gedib.
Rayon Prokurorluğundan verilən məlumata görə, hadisə yerinə polis və Prokurorluq əməkdaşları gedərək ilkin yoxlamalara başlayıblar.
