Arvadını boşayıb eşşək aldı Efiopiyanın Benişanqul-Qumuz vilayətində, Abbay çayının sahilindəki Kamaşi kəndində yaşayan Komo Pauesi adlı kəndli özünü qətiyyətli və mərd kişi saysa da, qohumları, övladları və həmkəndliləri onu ələ salıb gülürlər. Komo kişi illərdən bəri qonşu Pauea Metela kəndindəki bir eşşəyi satın almaq istəyirdi. Daha doğrusu, üç il əvvəl həmin eşşəyi almaq üçün qonşu kəndə yollanan Komo ulağın sahibindən rədd cavabı alsa da, inadından dönməyib. O, az qala hər həftə qonşu kənddə gedir, eşşəyin satılmasını rica edirdi. Arvadı isə bu "eşşək macərası"ndan bezdiyini söyləyirdi və günlərin birində də canı boğazına yığılaraq "Ya o eşşək, ya mən!" dedi. Komo kişi də eləmə tənbəllik - arvadı boşadı. Ertəsi gün isə o, 590 efiop bırı verərək eşşəyi aldı.
