Azərbaycan Tədris Akademiyasında (ASA) "Biz niyə həyatımızı başqalarını nəzərə alaraq qururuq?" mövzusunda debat keçirilib. Debatda millət vəkili Fazil Qəzənfəroğlu və BDU-nun Jurnalistika fakültəsinin dekan müavini Sevinc Əliyeva iştirak ediblər.
A.S.A-nın mətbuat xidmətindən AZXEBER.COM-a verilən məlumata görə, debat İctimai Televiziyada yayımlanan "Ortaq məxrəc" verilişinin formatında təşkil olunub. Tələbələrin, gənclərin iştirakı ilə keçirilən debat zamanı maraqlı fikirlər səslənib.
Millət Vəkili Fazil Qəzənfəroğlu Azərbaycanda ictimai rəyin formalaşmasında olan problemlərdən danışıb. Millət vəkili, insanların həyatlarının «qonşum nə deyər?” düşüncəsi ilə qurmasının düzgün olmadığını söyləyib: “Bu gün bizim ən böyük problemlərimizdən biri də, kiməsə görə hərəkətlərimizi, geyimimizi, danışığımızı tənzimləməyə çalışmağımızdır. Bu problem bir çox ailələrdə mövcuddur”.
Debatın digər iştirakçısı BDU-nun Jurnalistika fakültəsinin dekan müavini Sevinc Əliyeva isə, əksinə insanlarda xüsusilə də, ailələrdə mühafizəkarlığın tərəfdarı olduğunu qeyd edib: “Bu gün hər kəs bizim cəmiyyətdə olan neqativ hallardan danışarkən, onun müsbətlərini nədənsə unudur. Hər bir Azərbaycan ailəsi üçün milli-mənəvi dəyərlər ön planda olmalıdır”.
Qeyd edək ki, bu sayca Azərbaycan Tədris Akademiyasında baş tutmuş 2-ci debatdır.
Əlaqə:
[email protected]/* */562 3639, (070) 399 36 39
