Tibbi Ərazi Bölmələrini İdarəetmə Birliyində (TƏBİB) struktur dəyişikliyi olub.
TƏBİB-dən AZXEBER.COM bildirilib ki, dəyişikliyə əsasən, qurumda mətbuat xidməti vəzifəsi ləğv olunub.
Bundan sonra mətbuatın sorğuları İctimaiyyətlə əlaqələr şöbəsinin daxilində cavablandırılacaq.
TƏBİB-in mətbuat xidmətinin rəhbəri Rəvanə Əliyeva qurumun Vətəndaş müraciətləri ilə iş şöbəsinə müdir təyin edilib.
Qurumda yeni yaradılan Sənədlər və Vətəndaş Müraciətləri ilə İş departamentinin müdiri vəzifəsinə isə Aygün Əliyeva təyinat alıb. TƏBİB-in ictimaiyyətlə əlaqələr şöbəsi də sözügedən departamentin tabeçiliyinə daxil edilib.
Qeyd edək ki, Aygün Əliyevanın təyinatıyla bağlı ilk xəbər azxeber.com saytında yayımlanıb.
