2012-ci il Avropa çempionatının seçmə mərhələsi çərçivəsində martın 26-da keçiriləcək Ermənistan - Rusiya oyunu öncəsi böyük ajiotaj yaranıb. “Jamanak” qəzetində oyunun danışılmış xarakter daşıyacağı ilə yazı geniş müzakirələrə səbəb olub. Deyilənlərə görə, Rusiya Ermənistan tərəfinə məğlubiyyətin əvəzinə iqtisadi sövdələşmə təklif edib. Artıq vəziyyətə aydınlıq gətirmək üçün Ermənistan Futbol Federasiyasının prezidenti Ruben Ayrapetyan bu gün keçirdiyi mətbuat konfransında bunlara özünəməxsus şəkildə münasibət bildirib: “Mən fahişə deyiləm. Ona görə də oyunları satmıram. Həmin qəzet bizi ləkələməyə və alçaltmaya çalışıb. Bütün bunların bir səbəbi var. Yığmamız son vaxtlar yaxşı nəticələr göstərir. Ölkə prezidenti qarşımda Rusiya yığmasına qalib gəlmək vəzifəsini qoyub”. //Fanat.az
