“Azərbaycan” Nəşriyyatı “Azadlıq” qəzetinin çapından qeyri-müəyyən vaxta qədər imtina edib.
AZXEBER.COM azadliq.info-ya istinadən xəbər verir ki, səbəb qəzetin nəşriyyata olan borclarıdır. “Azərbaycan” Nəşriyyatı sentyabrın 5-nə qədər borcun əhəmiyyətli hissəsinin ödənilməsi üçün “Azadlıq”a vaxt verib. Amma deyilən müddətdə vəsait ödənilmədiyi üçün qəzetin çapı dayandırılıb.
Qeyd edək ki, “Azadlıq” qəzetinin yayım və maliyyə direktoru Faiq Əmirli ötən ay Fətullah Gülən Hərəkatı ilə bağlı açılmış cinayət işi çərçivəsində həbs edilib.
