Xəbər verdiyimiz kimi, 16 aprel tarixində Azərbayan Respublikasının Prezidenti yanında QHT- lərə Dövlət Dəstəyi Şurasının 5 illik yubileyi keçirilib. Bu münasibətlə QHT Əməkdaşlıq Alyansı bu gün Vətəndaş Cəmiyyəti və QHT- lərin inkişafındakı xidmətlərinə görə Azərbaycan Respublikasının prezidenti yanında QHT- lərə Dövlət Dəstəyi Şurasının sədri, millət vəkili Azay Quliyevi fəxri fərmanla təltif edib.
Alyansın mükafatı “Hilton” Hoteldə ABŞ-ın Beynəlxalq İnkişaf Agentliyi ilə Dövlət Dəstəyi Şurası arasında 17 aprel tarixində keçirilən görüşdə QHT Əməkdaşlıq Alyansının həmsədri Rufiz Qonaqov tərəfindən Azay Quliyevə təqdim edilib. Tədbirdə çıxış edən Rufiz Qonaqov birldirib ki, vətəndaş cəmiyyətinin inkişafında 16 aprel 2008- ci ildə yaranmış QHT- lərə Dövlət Dəstəyi Şurasının sədri, millət vəkili Azay Quliyevin xüsusi xidmətləri vardır.
“Şura 5 il ərzində ölkəmizdə bir çox vacib layihələrin həyata keçirilməsində, QHT sektorunun inkişafında, bu sahədə bir çox qanun və qərarların qəbulunda xeyli işlər görmüşdür. Eyni zamanda Şura bu müddət ərzində beynəlxalq təşkilatlarla bir çox sazişlər imzalamışdır ki, bu da vətəndaş cəmiyyətinin inkişafına xidmət edir. Sevindirici haldır ki, QHT Əməkdaşlıq Alyansı Rusiya- Türkiyə- Azərbaycan birgə Forumunun işçi qurupunun üzvü olaraq bu vacib tədbirlərin təşkilində yaxından iştirak edir. Bu gün Hilton Hoteldə keçirilən tədbirdə bunun əyani təzahürüdür. ”
