14:07 Bazar Ertəsi, 18 Noyabr 2019
İQTİSADİYYAT

“Azərbaycan Beynəlxalq Bankı” Bakı Caz Festivalına dəstək verib

13:55, 18.10.20193133
“Azərbaycan Beynəlxalq Bankı” Bakı Caz Festivalına dəstək verib

Bu gün Bakıda ənənəvi Beynəlxalq Caz Festivalı - "Baku Jazz-2019” başlayır. Müxtəlif sahələrdə korporativ sosial məsuliyyət layihələrini uğurla həyata keçirən "Azərbaycan Beynəlxalq Bankı” ASC (ABB) "Baku Jazz-2019”-un da sponsorlarındandır. Festivalın açılış mərasimi bu gün saat 17.00-da Qız qalasının ətrafında keçiriləcək.

Oktyabrın 27-dək davam edəcək bu mədəniyyət tədbirinin proqramı xeyli zəngindir. Festivalın konsert proqramları Rotunda Caz Klubunda, Beynəlxalq Muğam Mərkəzində, Akademik Musiqili Teatrında təşkil olunacaq. Festival çərçivəsində cazla bağlı maraqlı filmlərin nümayişi, seminarlar, sərgilər olacaq. Festivala oktyabrın 27-də Rotunda Caz Klubunda yekun vurulacaq.

Bakı Beynəlxalq Caz Festivalı 2005-ci ildən keçirilir. Festivalda həm xarici, həm də yerli caz ulduzları iştirak edir. Bakı Beynəlxalq Caz Festivalı 2017-ci ildən "European Jazz Network” təşkilatının üzvüdür.

Müasir dövlət bankı olan ABB-nin məhsul və xidmətləri barədə məlumatları Bankın 37 filial və 39 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

XƏBƏR LENTİ