Futzal üzrə Azərbaycan milli komandası bu gün dünya çempionatının "play-off" mərhələsi çərçivəsində ilk matçına çıxacaq.
Joze Alesio da Silvanın komandası bu mərhələdə doğma meydanda Rusiya yığması ilə qarşılaşacaq.Son iki Avropa çempionatının final mərhələsinə vəsiqə qazanan millimiz eyni uğuru mundialda da təkrarlamaq niyyətindədir. Lakin millimizin budəfəki rəqibi heç də zəif komanda deyil.Son Avropa çempionatının finalçısı olan Rusiya millisi bu cütlüyün əsas favoriti sayılır. Bununla belə, komandamız doğma azarkeş amilindən maksimum yararlanmağa çalışacaq.Qeyd edək ki, Rusiya ilə cavab matçı isə aprelin 9-da Tümendə keçiriləcək.
