Bu axşam "DÇ-2014"ün seçmə mərhələsi çərçivəsində növbəti oyunlar keçiriləcək.
AZXEBER.COM-un məlumatına görə, Azərbaycan milli komandası bu axşam seçmə mərhələdə ikinci matçına çıxacaq.
Berti Foqtsun komandası səfərdə Portuqaliya millisinin qonağı olacaq. İlk görüşündə Bakıda İsrail yığması ilə 1:1 bərabərə qalan millimiz səfərdən də xalla ayrılmağa çalışacaq.
Lakin bu elə də asan görünmür. Dörd gün öncə səfərdə Lüksemburqa 2:1 hesabı ilə qalib gələn Portuqaliya millisi doğma azarkeşləri önündə keçirəcəyi ilk görüşündə qələbə qazanmaq niyyətindədir.
Qeyd edək ki, Portuqaliya - Azərbaycan oyunu bu axşam, Bakı vaxtı ilə saat 00:15-də başlayacaq.
11 sentyabr
"DÇ-2014"ün seçmə mərhələsinin oyunu
00:15. Portuqaliya - AzərbaycanHakimlər: Simon Marçiniak, Pavel Sokolniçki, Radoslav Siejka, Robert Malek (hamısı Polşadandır)AXA Stadium. Braqa
