Səbuhi Abbasov: “Nəinki Azərbaycanda, eyni zamanda bütün Slavyan ölkələrində yaşayan soydaşlarımız bu seçkilərdə İlham Əliyevin namizədliyini dəstəkləyirlər”
Bu barədə AZXEBER.COM-a açıqlama verən Azərbaycan-Slavyan Gəncləri Assosiasiyası (ASGA) ictimai birliyinin həmtəsisçisi və sədri Səbuhi Abbasov bu dəfə də həm ölkədaxili, həm də Slavyan ölkələrində yaşayan soydaşlarımız arasında rəy sorğusunun keçirildiyini dedi.
Mütləq əksəriyyətin məhz İlham Əiyevin namizədliyini dəstəklədiyini deyən S.Abbasov bunu ölkədə aparılan uğurlu daxili və xarici siyasətin nəticəsi kimi qiymətləndirdi: “Bu gün ölkə prezidenti İlham Əliyev ölkədə iri miqyaslı quruculuq işləri aparır. Həm iqtisadi, həm mədəni sahədə ciddi islahatlar aparılır. Bundan başqa sosial rifahın daha da yaxşılaşdırılması istiqamətində də ciddi addımlar atılıb-əmək haqqları, əmək pensiyaları, sosial müavinətlər artırılır və s. Bu gün Heydər Əliyev Fondu böyük amalların gerçəkləşməsi yönündə genişmiqyaslı layihələr həyata keçirir. Fondun fəaliyyəti dövründə həyata keçirilən genişmiqyaslı layihələr azərbaycanlıların ictimai-mədəni, sosial həyatının yüksəldilməsi və inkişafı baxımından birmənalı olaraq çoxsaylı insanların həyat tərzində dönüş yaradıb. Bunların hər biri Fondun qısa zamanda məqsəd tək qarşıya qoyduğu amalın reallaşması nəticəsində baş tutub. Fondun rəhbəri, UNESCO-nun və İSESKO-nun xoşməramlı səfiri, millət vəkili Mehriban xanım Əliyevanın təşəbbüsü ilə ölkəmizdə bir sıra beynəlxalq tədbirlər, eləcə də mədəni irsimizlə bağlı çox mühüm layihələr reallaşıb. Eyni zamanda Rusiyanın Azərbaycanlı Gənclər Təşkilatının (RAGT) sədri, Heydər Əliyev Fondunun vitse-prezidenti, IDEA Beynəlxalq ekologiya kampaniyasının təsisçisi Leyla Əliyevanın bütün dünya ölkələri üzrə həyata keçirdiyi layihələr bilavasitə ölkəmizin beynəlxalq aləmdə nüfuzunun artmasına səbəb olmuşdur”.
