Sumqayıt sakini bədbəxt hadisə nəticəsində ölüb. Bu barədə APA-ya Sumqayıt şəhər Polis İdarəsindən bildirilib.

Hadisə ötən gecə Sumqayıt şəhəri, 9-cu mikrorayon ərazisində qeydə alınıb. Şəhər sakini, 35 yaşı Vüqar Sabir oğlu Həmidov yaşadığı binanın 8-ci mərtəbəsindən yıxılıb. Nəticədə o, aldığı xəsarətdən hadisə yerindəcə dünyasını dəyişib. Məlumata görə, V. Həmidov sərxoş vəziyyətdə eyvandan olarkən ehtiyatsızlıqdan yıxılıb.

Faktla bağlı araşdırma aparılır.