Bu gün Bakı Ağır Cinayətlər Məhkəməsində 7 yaşlı oğlanı zorlamaqda ittiham olunan Xaçmaz rayon sakini, 13 yaşlı F. M. cinayət işi üzrə məhkəmə prosesi başa çatıb.
AZXEBER.COM-un məlumatına görə, ittihama görə, hadisə Xaçmaz rayonunun Qusarçay kəndində qeydə alınıb. Kənd sakini F. M. həmkəndlisi, 7 yaşlı T. N. ilə qeyri təbii yolla zorlayıb. O, azyaşlı oğlanı aldadaraq kəndin kənarında meşəlik olan əraziyə aparıb və orada onunla cinsi əlaqədə olub. F. M. bu yolla bir neçə dəfə onunla cinsi əlaqəyə girib.
Sonuncu dəfə F. M. T. N. ilə cinsi əlaqədə olan zaman kənd sakinlərindən bir hadisənin şahidi olub və bu barədə azyaşlının ailəsinə məlumat verib. Iki qonşu arasında olan hadisə barədə Xaçmaz rayon Polis şöbəsinə müraciət edilib.
Bundan sonra F. M. barəsində Cinayət Məcəlləsinin 153.3.3-cü (təqsirkar şəxs üçün aşkar surətdə on dörd yaşına çatmayan şəxs barəsində seksual xarakterli zorakılıq hərəkətləri etmək) maddəsi ilə cinayət işi başlayıb və iş materialları baxılması üçün məhkəməyə göndərilib.
Qapalı keçirilən məhkəmə iclasında ifadə verən F. M. elan olunmuş ittiham üzrə özünü təqsirli bilib. O, deyib ki, azyaşlı ilə könüllü şəkildə cinsi əlaqədə olub. Onun sözlərinə görə, azyaşlı ilə iki dəfə cinsi əlaqədə olub. Təqsirləndirilən şəxs azyaşlının anasının da əxlaqsız olduğunu bildirib. “T. N. anası əxlaqsız qadındı. Azyaşlı övladının yanında ayrı-ayrı kişilərlə cinsi əlaqədə olurdu”.
Qapalı iclasda azyaşlı da anasının iştirakı ilə zərərçəkmiş qismində ifadə verib. O, qeyd edib ki, təqsirləndirilən şəxs onunla 6 dəfə cinsi əlaqədə olub. Bütün tərəfləri dinləyən hakim heyəti sonda hökm elan edib. Məhkəmənin hökmü ilə F. M. 8 il müddətinə azadlıqdan məhrum edilib. Onun istintaq dövründə barəsində polis nəzarəti altında saxlanma ilə bağlı seçilmiş qəti imkan tədbiri ləğv edilib və məhkəmə zalından həbs edilib.
Qeyd edək ki, istintaq orqanı cinayəti törədən F. M. azyaşlı olduğu üçün barəsində həbs qərarı seçməmişdi. Məhkəmə istintaqının gedişini zamanı da F. M. polis nəzarəti altında saxlanılıb. Lakin həbsdə olmayıb. Məhkəmə sonda hökm elan edərkən F. M. törətdiyi cinayətin ağırlığını nəzərə alaraq, onun barəsində həbs qərarı çıxardıb.
