Azərbaycan Gənclər Parlamenti yaradılır.AZXEBER.COM-un məlumatına görə, Gənclər Parlamenti 11 nəfərlik təşəbbüs qrupu tərəfindən irəli sürülmüş uzunmüddətli bir layihədir. Layihənin əsas məqsədi gəncləri narahat edən problemlərin müzakirəsini dövlət və ictimaiyyət qarşısında qaldırmaq və gənc vətəndaşların dövlətdə gedən proseslərdə iştirakını təmin etmək, fəal Avropa vətəndaşlığını təşviq etmək, tələbələri Avropa siyasəti ilə məşğul olmaq üçün həvəsləndirmək, mədəniyyətlərarası dialoq, beynəlxalq anlaşma, fikir və təcrübələrinin müxtəlifliyini təbliğ etmək, həmçinin Azərbaycan gənclərinin şəxsi bacarıqlarının inkişafına və fikirlərini sərbəst ifadə etmək üçün forumun təşkil edilməsinə yardım etməkdir.
Gənclər Parlamenti Avropada siyasi debatlar, mədəniyyətlərarası görüşlər, siyasi təhsil işləri və ideyalar mübadiləsinə xidmət edən geniş platforma olacaq.
Layihənin icrası bir neçə mərhələlərdən ibarət olacaq. Yeni tərkibdə formalaşaq Gənclər Parlamenti 50 fəal gəncdən ibarət olacaq. Gənclər Parlamentinin tərkibi seçkili qaydalar əsasında olacaq.
Parlamentə üzvlərin seçilməsi ərizə forması və müsahibədən ibarət olmaqla 2 mərhələdə keçiriləcək. Birinci mərhələdən seçilmiş namizədlər müsahibəyə dəvət olunacaqlar. Azərbaycan Gənclər Parlamentinin üzvlərini seçəcək təşəbbüs qrupuna daxildirlər:
1. Valeh Ələsgərov - AzərbaycanRespublikası Milli Məclisinin Sədrinin müavini
2. Çingiz Qənizadə - Azərbaycan Respublikası Milli Məclisinin deputatı
3. Musa Qasımlı - Azərbaycan Respublikası Milli Məclisinin deputatı
4. Rasim Musabəyov - Azərbaycan Respublikası Milli Məclisinin deputatı
5. Mübariz Qurbanlı - Azərbaycan Respublikası Milli Məclisinin deputatı, Yeni Azərbaycan Partiyasının (YAP) icra katibinin müavini
6. Ceyhun Osmanlı – Azərbaycan Respublikası Milli Məclisinin deputatı
7. Qənirə Paşayeva – Azərbaycan Respublikası Milli Məclisinin deputatı
8. Mikayıl Cabbarov - “İçərişəhər” Dövlət Tarix-Memarlıq Qoruğu İdarəsinin rəisi
9. Çingiz Abdullayev - Azərbaycan Yazıçılar Birliyinin katibi
10. Murad Adıgözəlzadə - Azərbaycan Dövlət Filarmoniyasının direktoru
11. Vüsalə Mahirqızı – APA informasiya agentliyinin baş direktoru
Kimlər Gənc Parlamentari ola bilər?
ü Yaşı 18-29 arasında olan:
ü İctimai fəal gənclər;
ü Gənclər təşkilatlarının liderləri və fəalları;
ü Siyasi partiyaların gənclər qanadlarının nümayəndələri;
ü İstedadlı və ictimai aktiv tələbələr;
ü Beynəlxalq təşkilatlarda çalışan gənclər;
ü KİV-də çalışan gənclər
ü Özəl strukturlarda çalışan gənclər;
ü Dövlət strukturlarında çalışan gənclər;
ü Elm sahəsində çalışan gənclər.
Gənc Parlamentari olmaq istəyənlərdən 28.05.2012 tarixindən gec olmayaraq www.agp.az ünvanına daxil olaraq elktron ərizə formasını doldurmaları xahiş olunur.
