Şəmkirdə toyda kütləvi dava düsüb. AZXEBER.COM Kəpəz TV-yə istinadən xəbər verir ki, Şəmkir rayonunun Yeniabad kəndində toy məclisi kütləvi davaya çevrilib. Toyda birlikdə yeyib-içən həmyerlilər sonda bıçaq davasına çıxıblar. Toy məclisində xeyli miqdarda spirtli içki qəbul edən dostlar bir-birlərilə yersiz zarafat ediblər. Çox keçməyib ki, bu zarafat kütləvi davaya çevrilib. Nəticədə 30 yaşlı kənd sakiniMehman Fətəliyevçoxsaylı bıçaq zərbələri alaraq xəstəxanya yerləşdirilib. Dərhal əməliyyat olunan yaralının vəziyyəti orta ağır kimi qiymətləndirilir. Nurlan Qurbanov, həkim: "Kəsilmiş-deşilmiş yaraları diaqnozu ilə şöbəyə daxil olub. Birinci cərrahiyyə işlənərək yaralar tikilib, qanaxma dayandırılıb. Hazırda şöbədə müayinə və müalicəsi davam etdirilir. Vəziyyəti orta ağırdır". Şəmkir polisinin keçirdiyi ilkin istintaq tədbirləri zamanı məlum olub ki, Mehman Fətəliyevə bıçaqla xəsarət yetirən şəxs onun həmyerlisi, 30 yaşlıXəyal Həsənovdur. Polisdən verilən məlumata görə, Həsənov cinayətdə istifadə etdiyi soyuq silahla birlikdə saxlanılıb. Hazırda davanın digər iştirakçılarının müəyyən edilib saxlanılması istiqamətində zəruri tədbirlər həyata keçirilir.
