Bu gün saat 14:20 radələrində Bakı–Qazax avtomobil yolunun 21-ci kilometrliyində "Mercedes Atego” markalı, 88-BG-741 dövlət qeydiyyat nişanlı yük avtomobili sürücünün idarəetməni itirməsi nəticəsində dəmir maneəyə çırpılaraq aşıb.
Bu barədə Baş Dövlət Yol Polisi İdarəsindən bildirilib.
Hadisə nəticəsində 3 nəfər ölüb, 2 nəfər xəsarət alıb. Faktla bağlı araşdırma aparılır.
Baş Dövlət Yol Polisi İdarəsi sürücülərə müraciət edərək yollarda diqqətli olmağa, sürət həddini və ara məsafəsini gözləməyə, nəqliyyat vasitəsini idarə edərkən diqqəti yayındıran hərəkətlərdən çəkinməyə çağırır. Səfərdən əvvəl avtomobilin texniki vəziyyətinin yoxlanılması, yorğun və yuxusuz halda sükan arxasına keçilməməsi vacibdir.
14.54
Bakı-Qazax yolunda qəza baş verib.
Yolun Qaradağ rayonu Lökbatan qəsəbəsindən keçən hissəsində xırdabuynuzlu heyvanları daşıyan yük maşını aşıb.
Hadisə nəticəsində bir neçə nəfərin xəsarət aldığı, xırdabuynuzlu heyvanların tələf olduğu bildirilir.
