Məlum olduğu kimi, uzun müddətdir pandemiya səbəbindən Azərbaycanda məktəb və universitetlər bağlı idi.
Artıq bu il sentyabrdan etibarən dərslərin əyani şəkildə başlamayası qərarı ilə tələbələr də Bakı şəhərinə axın edərək kirayə mənzil tutmağa başlayıblar. Ekspertlər hesab edir ki, tələbələrin Bakıya gəlişi səbəbilə kirayə mənzil bazarında qiymətlər yüksəlib. Bu səbəbdən vətəndaşlar kirayə mənzil tapmaqda çətinlik çətir.
AZXEBER.COM Bakıdakı kirayə mənzil bazarındakı qiymətlərlə bağlı kiçik araşdırma edib
"Tut.az” elan saytında yerləşdirilən mənzillərin qiymətlərinə göz gəzdirdikdə tələblər üçün heç də uyğun qiymətlər olmadığının şahidi olduq.
Məsələ, Bakı Dövlət Universiteti, Azərbaycan Texniki Universiteti, Azərbaycan Memarlıq və İnşaat Universitetlərinin yerləşdiyi Yasamal rayonu ərazisində qiymətlərin 400-1700 manat arasında dəyişdiyini gördük. Əgər tələblər 3 otaqlı, təmirli ev tutmaq istəsə, bu zaman aylıq 600-700 manatından keçməli olacaq. Paytaxın digər mərkəz ərazilərində isə bu və bundan daha yüksək qiymətlərə rast gəlmək mümkündür. Bu qiymətlər köhnə tikilərdə nisbətən aşağıdır.
Tələblərin qiymətlərə görə daha çox üstünlük verdiyi, amma mərkəzə nisbətən uzaq yerləşən "Koroğlu”, "Qara Qarayev”, "Neftçilər” ərazilərində isə köhnə tikililərdə iki və üçotaqlı mənzillərin qiyməti 300 manatdan 500 manaadək dəyişir. Eyni qiymətləri "20 Yanvar” ərazisindəki kirayə mənzillərdə də müşahidə olunur.
Əgər tələbələr universitetlərə nisbətən uzaq məsafədə yerləşən Binəqədi rayonu ərazisində bir-iki otaqlı mənzil kirayələmək istəsələr, bu zaman 250-300 manatdan başlayan qiymətlərlə qarşılaşacaqlar.
Aydın Nuri
Aydın Nuri
