Banqladeşin müxtəlif bölgələrində ildırım çaxması nəticəsində ümumilikdə 13 nəfərin öldüyü bildirilib.
AZXEBER.COM xarici mətbuata istinadən xəbər verir ki, bu barədə Paytaxt Dakkada yerləşən Kanal 24 televiziyası məlumat yayıb.
Kişoreqanc və Brahmanbariya bölgələrində ildırım vurması nəticəsində biri uşaq olmaqla 9 nəfər ölüb. Çapaivabqanc, Naoqaon, Şerpur və Habiqanc ərazilərinin hər birində bir nəfər ölüb.
Banqladeş Meteorologiya Departamenti (BMD) paytaxt Dəkkə də daxil olmaqla, ölkənin bir çox bölgələrində güclü yağış yağacağını proqnozlaşdırıb.
Ölənlərin 70 faizindən çoxunun kənd təsərrüfatı işləri ilə məşğul olduğu bildirilib.
Qeyd edək ki, Banqladeşdə ildırım vurması nəticəsində ölənlər daha çox aprel-iyun ayları arasında baş verir.
Birləşmiş Millətlər Təşkilatının (BMT) məlumatlarına görə, hər il Banqladeşdə ildırım vurması nəticəsində orta hesabla 300 nəfər ölür.
Ötən il ildırım vurması nəticəsində ümumilikdə 297 nəfər həyatını itirdiyi halda, bu ilin yanvar-aprel ayları arasında 67 nəfər həyatını itirib.
Oksana
