Bu gün bütün Ukrayna nəfəsini tutaraq, Yuliya Timoşenkoya oxunacaq hökmü gözləyir. Ölkənin sabiq baş nazirinin məhkəmə işi ilə bağlı yekun iclas artıq başlayıb. Kiyevdə Peçersk məhkəməsinin önündə yüzlərlə adam toplaşıb, onların arasında Timoşenkonun tərəfdarları ilə yanaşı, əleyhdarları da var.Yuliya Timoşenko 2009-cu ildə Rusiya ilə qaz təchizatı barədə sazişlərin imzalanması zamanı vəzifə səlahiyyətlərini aşmaqda və ölkəsinin xeyrinə olmayan saziş imzalamaqda ittiham olunur. Dövlət ittihamçısı Timoşenkonun 7 il müddətinə azadlıqdan məhrum edilməsini tələb edir.
