Türkiyədə meyiti tapılan azərbaycanlı kişi ilə bağlı yeni məlumatlar yayılıb.
AZXEBER.COM "Unikal.az"a istinadən xəbər verir ki, 1977-ci il təvəllüdlü Rövşən Zeynalovun nəşi ailəsinə təhvil verilib və bu gün Azərbaycana gətiriləcək.
Əslən Qubadlı rayonundan olan Rövşən Zeynalov Türkiyədə iş adamı olub və ayaqqabı biznesi ilə məşğul olub.
Digər ən önəmli məlumata görə, meyiti tapılan azərbaycanlı iş adamı Rövşən Zeynalov "Bəniz" ləqəbli tiktoker Aybəniz Xəlilovanın keçmiş həyat yoldaşı olub. Onların bu evlilikdən Mətin adlı övladları var.
Xatırladaq ki, "Bəniz" ləqəbli tiktoker Aybəniz Xəlilova hazırda həbsdədir. Məhkəmə ona 10 il 3 ay həbs cəzası verib.
Qeyd edək ki, avqustun 11-i səhər saatlarında mediada Türkiyədə azərbaycanlı kişinin meyiti tapıldığı ilə bağlı məlumatlar yayılıb. Hadisə İstanbulun Qaziosmanpaşa rayonunda qeydə alınıb. Mənzildən gələn pis qoxu hiss edən qonşular polisə məlumat veriblər. Əraziyə gələn polis əməkdaşları mənzilə daxil olarkən Azərbaycan vətəndaşı Rövşən Zeynalovun meyitini aşkar ediblər. Psixoloji problemləri olduğu iddia edilən bacısı Mətanət Zeynalov isə yataq otağında yatarkən tapılıb. Qadının, təxminən bir həftə ərzində qardaşının meyiti ilə eyni evdə yaşadığı müəyyən edilib. Mənzildə aparılan ilkin baxış zamanı qan izlərinə də rast gəlinib. Rövşən Zeynalovun meyiti ölümün dəqiq səbəbinin müəyyənləşdirilməsi üçün Məhkəmə-Tibbi Ekspertiza İnstitutunun morquna aparılıb. Polis şübhəli ölümlə bağlı araşdırmaya başlayıb.
