Xalq artisti Aygün Kazımova bir müddət əvvəl müğənni Eldəniz Məmmədovla toy məclisində aralarında baş verən narazılıqdan danışıb.
AZXEBER.COM xəbər verir ki, "İki başlı” verilişinin ilk buraxılışının qonağı olan Kazımova Eldəniz Məmmədovun hərəkətindən təəccübləndiyini gizlətməyib.
Eldənizin daha sonra verdiyi açıqlama isə Xalq artistini narahat edib:
"Səhnəyə çıxmışdım. Toyda olan qonaqlarla danışırdım. Gəldi əli ilə çiynimə vurdu. Dedim inanmaram ki, Eldəniz belə hərəkəti özünə icazə versin. Gördüm yox, yenə çiynimə vurdu. Axırda dedim ki, nə olub, nə baş verir? Bir gün gördüm Eldəniz efirdə məni bağışlayır. Eldəniz, hələ gör mən səni bağışlayıram? Eldənizi başqa cür tanıyıram. Hətta dedim, bu, bildiyim Eldəniz deyil, onu başqa cür tanıyıram, xanıma utana-utana "salam” verir.
Mən səni bu dəfə bağışlayıram. Amma bir də heç bir xanım müğənni ilə əllə danışma. Axı bizim elə münasibətimiz də yoxdur. Həm də gözəl dost münasibəti olan adam belə bunu qəbul etməz. Ona görə təəccübləndim. Ola bilər, Eldəniz, qohumunun toyu idi, əhvalın yaxşı idi. Bəlkə də işıqlardan məni tanımayıb kişi kimi görmüsən. Amma xanımla belə rəftar olmaz. Sən hamıya nümunə olmalısan”.
