Bişkekdə Heydər Əliyev adına mədəniyyət və istirahət parkı yaradılacaq. Bu məsələ ilə bağlı Bişkek şəhərinin meri İsa Omurkulovun imzaladığı sərəncama əsasən, paytaxtın ən mənzərəli yerində- “Orto-Say” meşə zolağında Heydər Əliyev parkının salınması üçün Türkdilli Dövlətlərin Siyasətinə Dəstək Fonduna (TDSDF) 5,5 hektar torpaq sahəsi ayrılıb. TDSDF-in təşəbbüsü ilə Bişkekdə yaşayan bir qrup soydaşımız və qardaş qırğız xalqının nümayəndələri Heydər Əliyev adına mədəniyyət və istirahət parkının salınması üçün ayrılmış torpaq sahəsində olmuş, qurban kəsilib. Fond sədrinin müavini Mukan Asanaliev, Pervomaysk Rayon İcra Hakimiyyətinin başçısı Əskər Əliyev çıxış edərək dünya şöhrətli siyasi xadim Heydər Əliyevin həyat və fəaliyyəti haqqında danışmış, ulu öndərin Azərbaycan ilə Qırğızıstan arasında əlaqələrin inkişafındakı xidmətlərini qeyd edib.
