İspaniyanın mühafizəkar baş naziri Mariano Raxoyun kəmər sıxma siyasətini tənqid edən məşhur jurnalistlər dövlət televiziyasından bir-birinin ardınca qovulur. Onlar dövlətin apardığı siyasətə tənqidi suallar yönəldiblər. İşini itirmiş media mənsublarından biri də Ana Pastor adlı məşhur araşdırmaçı-jurnalistdir. O, da dövlət televiziyasında "Los Desayunos" adlı verlişində iqtisadi islahatlar məzmununda suallar verdiyi üçün işindən olub.
Avropa Birliyinin əsas ölkələrindən sayılan İspaniyada hökumətin iqtisadi islahatlar siyasətini tənqid edən jurnalistlərin işdən çıxarılması heç də müsbət qarşılanmır. Artıq İngiltərənin "The Guardian" qəzeti də, dövlət televiziyası və radiosu olan RTVE-də jurnalistlərin səbəbsiz yerə işdən çıxarılması ilə bağlı məqalə dərc edib. Qeyd edək ki, 21 dekabr 2011-ci ildə keçirilən seçkilərdə sosialistlərə qalib gələn sağçı Mariano Raxoyun bu siyasəti, Avropa ölkələrində böyük etirazla qarşılanır.
