Böyük Britaniyada bıçaqlanan deputat ölüb.
Böyük Britaniya parlamentinin deputatı Devid Amess İngiltərənin cənubundakı Li-on-Si şəhərində seçicilərlə görüşü zamanı bıçaqlanıb.
AZXEBER.COM xarici mediaya istinadən xəbər verir ki, naməlum şəxs tərəfindən bir neçə dəfə bıçaq zərbəsi alan deputat hadisə yerində həyatını itirib.
Qeyd olunur ki, polis hücum edən 25 yaşlı şəxsi hadisə yerində saxlayıb. Hazırda hadisənin səbəbləri araşdırılır.