"Böyük İpək Yolu" Beynəlxalq Gənclər İttifaqı 18-23 noyabr tarixində "Bərabər iştirak üçün birgə qatıl!" adlı beynəlxalq seminar keçirəcək.
Bu barədə təşkilatın mətbuat xidmətindən məlumat verilib.
İttifaqın katibliyindən verilən məlumata görə, iştirakçıların seçimi yekunlaşıb. Ümumilikdə tədbirdə iştirak üçün Avropanın müxtəlif ölkələrindən 140 müraciət daxil olub. Layihə Avropa İttifaqının "Gənclər Fəaliyyətdə" Programının maliyə dəstəyi ilə həyata keçiriləcək.Seminarın əsas məqsədi gənclərin cəmiyyətdə iştirakçılığının artırılmasıdır. Tədbirdə Azərbaycan, Macarıstan, Gürcüstan, Rumıniya, İtaliya, Yunanıstan, Türkiyə, Belarus, Moldova, Ukrayna, Latviya, Rusiyadan olan gənc liderlər iştirak edəcək.
