Biz 2 il bundan öncə bu kampaniyaya başlamışdıq.
Kampaniyamız Nəqliyyat naziri Ziya Məmmədova “İrəli” İctimai Birliyi adından məktub yazmaqla başlamışdı.
Biz o zaman belə yol nişanlarının çox az sayda olduğunu araşdırmışdıq.Bu fikirləri AZXEBER.COM-a millət vəkili Ceyhun Osmanlı işğal altında olan torpaqlarımıza gedən yolların üzərində məlumatverici-göstərici nişanların qoyulması ilə bağlı açıqlamasında deyib.Millət vəkili bildirib ki, hələ nazirə müraciət edən zaman bunun kütləviləşdirilməsinin xüsusilə də Bakıdan etibarən mərkəzi magistrallar üzərində Şuşaya, Xankəndinə, Kəlbəcərə , Laçına və digər işğalda olan rayonlara məsafələrin böyük elanlar, yol lövhələri şəklində qeyd olmasını xahiş etdik.“Çünki ilk növbədə bunlar bizim ərazilərimizdir, sırf elə buna görə bu yol nişanları öz əksini tapmalıdır. Bununla yanaşı ölkəmizdə gənc nəsil formalaşır. Hər il milyonlarla insan magistrallarda hərəkət edir. Bu, uşaqların, gənc nəslin də hafizəsində Azərbaycana aid olan bölgələrin və işğal altında olan rayonların, Dağlıq Qarabağın əbədi həkk olunmasının təsiridir”.C.Osmanlı onu da vurğulayıb ki, ölkəmizə hər il milyonlarla turist gəlir və onların da bizim ərziləri tanımasında zərurət var idi.“Çox sevinirik ki, bu yol nişanları artıq magistrallar üzərində tətbiq olunmağa başlayır”.Millət vəkilinin sözlərinə görə, sonradan bu təşəbbüs geniş rezonansa səbəb olub.“Digər ictimai fəal insanlar da, hətta millət vəkilləri də bu məsələyə münasibət bildirdilər. Birlik, bərabərlik şəklində qaldırılan bu təşəbbüslərdən sonra məsələ öz həllini tapdı. Biz buna gənclər olaraq əlbəttə ki, çox sevinirik”.AZXEBER.COM oxucularına bununla bağlı bir neçə il bundan əvvəl millət vəkili Ceyhun Osmanlının “Xəzər” telekanalına verdiyi müsahibəni təqdim edirik:
