Təşkilatçılar:
“GƏNC HÜQUQŞÜNAS QADINLAR HÜQUQİ İSLAHATLAR UĞRUNDA” İCTİMAİ BİRLİYİ tərəfindən Açıq Cəmiyyət İnstitutu - Yardım Fondunun (Budapeşt ofisinin) maliyyə dəstəyi çərçivəsində həyata keçirilir.
Məqsəd:
Müsabiqə cəzaçəkmə müəssisələrindən azad edilmiş şəxslərin yenidən cəmiyyətdə adaptasiya olunmaları üçün şəraitin yaradılmasına və həmin şəxslərin ayrı-seçkilikdən qorunmasına yardım məqsədilə həyata keçiriləcəkdir. Bu müsabiqənin keçirilməsi cəmiyyətin diqqətini cəza çəkməkdən azad edilmiş şəxslərin problemlərinə və onların ayrı-seçkiliyə məruz qalması məsələlərinə yönəldəcəkdir.
Müsabiqənin müddəti:
Məqalələrin göndərilməsi üçün SON tarix 29 fevral 2012-ci ildir. Bu müddətdən sonra göndərilən məqalələr qəbul olunmayacaqdır.
Kim iştirak edə bilər:
Müsabiqədə çap və elektron KİV-lərdə çalışan jurnalistlər iştirak edə bilər. Müsabiqəyə ancaq bundan əvvəl heç bir müsabiqəyə təqdim olunmamış və heç yerdə dərc olunmamış məqalələr təqdim edilə bilər.
Məzmun şərtləri:
Məqalələr müsabiqənin mövzusuna uyğun olmalıdır.
Məqalələrin təqdim edilmə qaydası:
- Məqalələr çap və elektron KİV-də çap olunmalıdır.
- Məqalələr elektron formatda CD diskdə və ya link şəklində dərc olunan gün təşkilata təqdim olunmalıdır.
- Məqalənin sonunda “Bu araşdırma Gənc Hüquqşünas Qadınlar Hüquqi İslahatlar Uğrunda İctimai Birliyinin Açıq Cəmiyyət İnstitutu - Yardım Fondunun (Budapeşt ofisinin) maliyyə dəstəyi çərçivəsində həyata keçirdiyi “Cəzaçəkmə müəssisələrdən azad olunan şəxslərin sosial adaptasiyası sahəsində ictimai vəkillik” layihəsi çərçivəsində keçirilən müsabiqəyə təqdim olunur” yazılmalıdır.
Qiymətləndirmə:
Məqalələrin qiymətləndirilməsi Münsiflər Heyəti tərəfindən həyata keçiriləcəkdir. Münsiflər heyəti bu sahədə çalışan ekspertlərdən təşkil olunmuşdur. Hər bir məqalə kodlaşdırılacaq və Münsiflər Heyətinin üzvlərinə təqdim olunacaqdır.
Qiymətləndirmə aşağıdakı meyarlar üzrə aparılacaq:
ü Müsabiqənin mövzusuna uyğunluq;
ü Mövzuya yaradıcı yanaşma.
ü Beynəlxalq təcrübəyə istinad;
ü Problemin həllinə həsr olunmuş təkliflər;
ü Ekspert rəylərinin mövcudluğu;
ü Dövlət orqanlarının mövqeyi.
Mükafat:
Müsabiqənin 3 (üç) yer üzrə qalibləri olacaqdır. 1-ci yer üzrə qalib 300 (üç yüz) manat məbləğində pul mükafatı, 2-ci yer üzrə qalib 200 (iki yüz) manat məbləğində pul mükafatı, 3-cü yer üzrə qalib 100 (yüz) manat məbləğində pul mükafatı alacaqdır.
Əlaqə:
Səbinə Protsenko, (+99412) 480 32 95
[email protected]/* */
