Cins şalvarlara meyillisiniz? Deməli sağlamlığınız risk altındadır. Daimi olaraq dar cins şalvarlardan istifadə insanların sağlamlığı üçün təhlükəlidir. Belə ki, dar şalvardan mütamadi istifadə insanlarda damar sıxılması, sinir pozğunluğu ilə nəticələnir. Bəs şalvar alarkən nəyə üstünlük vermək lazımdır? Dar şalvar insanlar üçün hansı təhlükəni yarada bilər?
Dar geyimlər hüceyrələri korlaşdırır, zəiflədir. Hədsiz dar şalvarlar hüceyrələrin inkişafını dayandırır və buda hüceyrələrin ölməsinə səbəb olur. Ölmüş hüceyrələrin sayı getdikcə artdıqda isə dəridə qırışlar və sallanmalar meydana gəlir. Bu cür geyimlərin qan dövranına maneə törətdiyi də bildirilir. Eyni zamanda dar geyimlərin qan dövranını zəiflətməklə yanaşı onda laxtalanmanı sürətləndirir. Bu geyimə görə bədənin bəzi bölgələrinə gec çatan qan insanın üşüməsinə səbəb olur.
Dar şalvarın zərərləri tək bunlardan ibarət deyil. Belə ki, bu cür geyimlər həmdə ürək-damar xəstəliklərinə yol açır. Qanın sürətini azaldan bu cür geyimlər onun ürəyə nisbətən gec çatmasına səbəb olur. Buda astma və bir çox ciddi xəstəliklərə gətirir.
Hər kəsin sevə sevə geydiyi bu dar geyimlərin təkcə zərəri bununla bitmir. Dar şalvarın ən böyük problemi ondan ibarətdir ki, o bədənin formasını kobudlaşdırır. Hadisə parçanın növüylə də birbaşa əlaqədardır. Məsələn cins parçalar son dərəcə sərt, qalın olduğunda qan normal dövr edə bilmir. Bu zaman linfa dövranı pozulur. Bu da hüceyrələri dəyişdirərək selülit ortaya çıxmasına gətirib çıxarır.
Xanımlar arasında dəblə ayaqlaşmaq istəyi nəinki dar şalvarların, başqa dar geyimlərin istifadəsinin də sayını artırıb . Qeyd edək ki, tarixə ilk şalvar geyən qadın kimi Fransalı müğənni-aktrisa Sarah Bernhard düşüb. Belə ki, o şalvar geyinərək qadın geyimlərində inqilab etmişdi. Amma qeyd etmək lazımdır ki, o dar şalvarlardan istifadə etmirdi. Çünki dar şalvarların yaratdığı xəstəliklərdən qaçış yoxdur. Bu geyimlər cins olunca, təhlükə daha da böyük olur. Çünki dar cins şalvarlar insanlarda “meralgia paresthetica” adlı xəstəlik yaradır. Bu xəstəlik sayəsində dəri həssaslığı azalır, və damarların şişkinliyi meydana gəlir. Üstəlik dar şalvar geyən insanların hər 10 nəfərinin 7-sində qastirit xəstəliyinin riski qaçılmazdır..
Dar şalvarlardan istifadə cinsindən asılı olmayaraq hər kəs üçün daha təhlükəlidir. Xüsusəndə yay aylarında bu şalvarlardan istifadə ayaq sümüklərinin altındakı sinir hüceyrələrini sıxaraq ciddi narahatlıqla nəticələnə bilər. Mütəxəsislər məsləhət görürlər ki, dar şalvarlara meyilli xanımlar cinslərdən deyil, nisbətən parça materiallardan istifadə etsələr risk azalar.
Qeyd edək ki, yay fəslində bacardıqca cins şalvarlardan uzaq durmağa çalışın. Çünki bu sizin sağlamlıöınız üçün təhlükəlidir.
Fatimə İbrahimova
