Ötən mövsümün sonundan bu yana yaşadığı hadislərə görə maliyyə böhranı keçirən “Fənərbaxça” daha bir aparıcı üzvünü satmaq məcburiyyətində qalıb.Qol.Az-ın məlumatına görə, Emenike, Guiza, Luqano və Santosdan sonra Mamadu Nyanq da komandadan ayrılıb. Seneqallı hücumçu karyerasını Qətərin “Əl-Sədd” klubunda davam etdirəcək. “Fənərbaxça” bu transferdən 7,5 milyon avro qazanc götürüb.Qeyd edək ki, Nyanq “sarı-lacivərdlilər”in heyətinə ötən mövsümün əvvəlində qatılmışdı. Bu günə qədər “Fənər”in heyətində 29 oyun keçirən 32 yaşlı forvard rəqib qapılarından 15 top keçirmişdi.
