Türkiyənin Malatya şəhərində baş vermiş zəlzələ nəticəsində dağıntılar altında qalan 4 azərbaycanlı tələbə – Samir Quliyev, Şahin Verdiyev, Hümam İsmayıllı və Gündüz Nəzərzadənin axtarışları davam etdirilir.
Bu sözləri AZXEBER.COM-a açıqlamasında Türkiyədə itkin düşən azərbaycanlı tələbə Samir Quliyevin qohumu Ramal Şəmşədli deyib.
O bildirib ki, tələbələrin yaşadığı binadan yaralı şəxslər çıxarılıb, ancaq onların şəxsiyyəti bəlli deyil: "Bununla bağlı xəstəxanalarla danışırıq. Hələ ki, yeni bir xəbər yoxdur. Olan kimi sizinlə paylaşacağıq".
Qeyd edək ki, Malatya İnönü Universitetində təhsil alan 4 azərbaycanlı tələbə zəlzələ nəticəsində baş verən dağıntılar altında qalıb.
