Rusiyanın Yekaterinburq şəhərində saxta araq satan azərbaycanlılar tutulub.Əliyev soyadlı Azərbaycan vətəndaşının xüsusi lisenziyası olmadan “Russkaya beryoza” arağını piştaxta altından satmasını fəallardan ibarət təşəbbüs qrupu aşkar edib.Təşəbbüs qrupu sahə polis müvəkkilinə müraciət edib. Obyektə gələn polis işçiləri 60-a yaxın saxta araq tapıblar. Fəalların dediyinə görə, saxta araqlar İ.P.Əliyevə və onun qohumlarına məxsus yanaşı yerləşən bir neçə obyektdə - qəlyanaltıxanada, avtomobil dayanacağında və avtoservisdə də satılırmış.İ.P.Əliyevin Ded Hasanın bacısı oğlu Temuri Mirzoyevlə əlaqəsi olduğu vurğulanır. 1 sentyabr 2013-cü il tarixdə ona məxsus restoranda polis tərəfindən reyd keçirilmişdi. Reyd zamanı “sxodka”nın qarşısı alınmışdı. Əməliyyat zamanı əsasən azərbaycanlılardan ibarət cinayətkar qruplaşma həbs edilmişdi. Onlardan çox sayda soyuq və odlu silah müsadirə olmuşdu. Qruplaşmanın Temuri Mirzoyevə tabe olduğu bildirlirdi.
